Benzema: "Uşaqlıq arzum gerçəkləşdi"

Fransa millisinin və "Real"ın hücumçusu Kərim Benzema "Qızıl top"u qazanması haqda danışıb. 

Futbolxeber.az saytının məlumatına görə, 34 yaşlı futbolçu mükafatın təqdimetmə mərasimində deyib: "Hamınız çox sağ olun. Bu, asan yol deyildi. Bir müddət millidə oynamadım və yığmaya qayıtdığım üçün fəxr edirəm. İşimlə və çətin anları dəf edə bildiyimə görə qürurluyam. Klubdakı və millidəki komanda yoldaşlarıma, eləcə də ailəmin bir parçası hesab etdiyim, mənə şans verən və həmişə yanımda olan gözəl prezidentimə təşəkkür etmək istəyirəm. Bu kubok fərdi, təşəkkür isə kollektivdir.

Uşaqlıq arzum gerçəkləşdi. Çətindir, amma qeyri-mümkün deyil. Mən qol vurmaqdansa, komandada oynamağa üstünlük verirəm. Bu kubok səyləriniz üçün bir mükafatdır.

Anam mənə çox kömək etdi və şadam ki, bu axşam yanımdadır. 30 ildən artıq stajı olan belə bir mükafatı almaq çox zəhmətin nəticəsidir. Mümkün olduğu müddətdə başqalarından bir az daha çox məşq edirəm və bu, motivasiya tələb edir".