Simone: "Meydanda bacarığımızın 110 faizini göstərməliyik"

"Atletiko"nun baş məşqçisi Dieqo Simone bu gün La Liqanın yeddinci turu çərçivəsində keçiriləcək Madrid derbisi haqda danışıb. Futbolxeber.az-ın məlumatına görə, argentinalı mütəxəssis açıqlamasında "Real"ın güclü olduğunu etiraf edib: "Hər zaman bu cür oyunlara böyük ümidlə yanaşırıq. "Real"ın güclü maliyyə dayaqları var. Bu səbəbdəndir ki, komandanın heyətində dünyanın ən yaxşı futbolçuları cəmləşib. Eləcə də komandanın başında Karlo Ançelotti kimi təcrübəli mütəxəssis dayanıb. "Real"ın heyəti bizdən daha güclüdür. Bu haqda mübahisə etməyə belə dəyməz. Amma biz də təslim olmaq fikrində deyilik. Rəqibin heyətindəki ulduzları nəzərə alaraq, futbolçularıma bildirmişəm ki, uğur qazanmaq üçün meydanda bacarığımızın 110 faizini göstərməliyik".