Levandovski gələcək karyerası ilə bağlı qərar verməyib

Robert Levandovski gələcək karyerası ilə bağlı hələ qərar verməyib.

Futbolxeber.az saytının Goal.com-a istinadən verdiyi məlumata görə, polşalı forvardın “Barselona”ya keçəcəyi deyilsə də, hələlik tərəflər arasında danışıqlar başlamayıb.

Levandovskinin “Bavariya” ilə hazırkı müqaviləsi 2023-cü ilin yayında bitir. Münhen klubu təcrübəli forvardı heyətində saxlamaq istəyir. Lakin yeganə problem 33 yaşlı hücumçunun maaşının yüksək olmasıdır. Belə ki, Levandovski “Bavariya”da ildə 25 milyon avro qazanır.

Qeyd edək ki, cari mövsüm polşalı oyunçu bütün turnirlər nəzərə alınmaqla “Bavariya”nın heyətində meydana çıxdığı 37 oyunda 45 qol vurub.