Rüfət Dadaşov: "Hər zaman ən yaxşı olmağa çalışmışam"

"Borussiya”ya (Münhenqladbax) qol vuracağını bilirdim. Komanda məni çox yaxşı qarşıladı və bura uyğunlaşmağım çox asan oldu. Mən Amerikada oynadığım üçün əslində gərgin idim".

Futbolxeber.az saytının məlumatına görə, bu sözləri “Şalke” klubunun əvəzedici komandasında çıxış edən azərbaycanlı futbolçu Rüfət Dadaşov Regional Liqanın 3-cü turunda “Borussiya”ya (Mönhenqladbax) qarşı keçirdikləri oyundan (1:0) sonra deyib.

Millimizin sabiq üzvü hər zaman aparıcı, ən yaxşı futbolçu olmağa çalışdığını vurğulayıb: "Şalke"nin U-23 komandasında gənclər üçün nümunə olduğumu düşünürəm. Bu, mənim işimdir. Əsas komandaya fikir vermirəm. Bu, məni narahat etmir.  Mənim işim U-23-lə bağlıdır".