HİK-in üzvü: "Bakıdakı oyunda üstün tərəf biz idik"

Finlandiyanın HİK klubunun futbolçusu Miro Tenho Avropa Liqasının 3-cü mərhələsinin “Neftçi” ilə keçiriləcək cavab oyunu ilə bağlı fikirlərini bildirib.

Futbolxeber.az saytının məlumatına görə, 26 yaşlı müdafiəçi açıqlamasında “Neftçi”nin hücum xəttini xüsusi vurğulayıb:

“Neftçi”nin yaxşı futbolçuları var. Hücumda çox effektivdirlər. Onlara boşluqlar versək, asanlıqla qol vura bilərlər. Bakıdakı oyunda demək olar ki, üstün tərəf biz idik. Öz oyunumuzla onların müdafiəçilərinə çətinlik yaratdıq. Azarkeşlərimiz bizi daha da cəsarətləndirir və rəqiblərimizi gərginləşdirir. Ümid edirəm ki, “Neftçi” ilə oyuna mümkün qədər çox azarkeş gələcək və birlikdə həmişə də xatırlanacaq nəticə qazanacağıq”.

Qeyd edək ki, avqustun 12-də keçiriləcək HİK - “Neftçi” matçı saat 20:00-da start götürəcək. Komandalar arasındakı ilk matçda 2:2 hesablı heç-heçə qeydə alınıb.