Konte: "Rəqibin qapısı tilsimlənmişdi"

"Yuventus"un baş məşqçisi Antonio Konte ÇL-in ilk turunda "Kopenhagen"ə qarşı keçirdikləri oyunu şərh edib. Futbolxeber.az-ın məlumatına görə, italiyalı mütəxəssis bildirib ki, budəfəki oyun "Norşelland"la matçdan da pis alınıb: "Düşünmürəm ki, uşaqlar rəqibi qiymətləndirmədilər. Çünki bundan əvvəl də Danimarkada xal itirmişdik. Amma bu oyun hətta "Norşelland"la matçdan da pis alındı. Çünki rəqibin qapısı qarşısında xeyli sayda təhlükə yaratdıq. Futbolun yazılmamış qaydasıdır ki, rəqib torunu silkələməsən, qələbə qazana bilməyəcəksən. Neçə qol epizodu yaratmağının isə heç bir önəmi yoxdur. Rəqibin qapısı sanki tilsimlənmişdi".