Droqba: "Azarkeşlərimiz "Real"ın futbolçularını şoka salmışdılar"

"Qalatasaray"ın hücumçusu Didye Droqba azarkeşlərə səslənib. Futbolxeber.az-ın məlumatına görə, afrikalı forvard "Real"la oyunda fanatların dəstəyinə ehtiyac duyduqlarını bildirib: "Ötən mövsüm "Real"ın futbolçuları bizim azarkeşləri gördükdən sonra şoka düşmüşdülər. Oyundan sonra da onlar azarkeşlərin inanılmaz dəstək verdiklərini bildirmişdilər. Bizim azarkeşlərimiz həqiqətən də möhtəşəmdi. Onlar ən yaxşıdılar. Ümid edirəm ki, çərşənbə axşamı onlar bizdən dəstəklərini əsirgəməyəcəklər. Biz də onları sevindirmək üçün əlimizdən gələni edəcəyik. Təbii ki, "Real"ı məğlub etmək asan deyil. Amma biz sərfəli nəticə qazanmağa sə göstərəcəyik. "Real" möhtəşəm klubdu, amma futbolu 11 11-ə oynayırlar".