Ronaldo "Qalatasaray"a qarşı oynamayacaq?

Madrid "Real"ı şok itki ilə üzləşib. Futbolxeber.az-ın məlumatına görə, komandanın aparıcı üzvü Kriştianu Ronaldonun zədələndiyi və oynamasında israr ediləcəyi halda, daha ciddi problemlərlə üzləşəcəyi iddial edilir. İspaniyanın məşhur idman yazarlarının qatıldığı televiziya proqramı ”Punto Pelota”da ortaya atılan iddaya görə "Real"ın məşqçilər korpusu portuqaliyalı ulduza 2 həftəlik istirahət vermək məcburiyyətindədir. Deyilənlər təsdiqini tapsa, Ronaldo Çempionlar Liqasının qrup mərhələsi çərçivəsində "Qalatasaray"a qarşı keçiriləcək matçda meydana çıxmayacaq. Jurnalist Albert Lukenin iddiasına görə isə ulduz futbolçunun özü də məşqçilər korpusuna istirahətə ehtiyac duyduğunu bildirib. Luke qeyd edib ki, Ronaldoya istirahət verilməsə və o qarşıdakı günlərdə də meydana çıxacağı halda, ayağında yırtıq əmələ gələ bilər.