"Bu, bizə Azərbaycanla oyunda bəraət qazandırmamalıdır"

İsrail milli komandasının aparıcı üzvlərindən olan Tal Ben Haim sentyabrın 7-də Dünya Çempionatının seçmə mərhələsi çərçivəsində millimizə qarşı keçirəcəkləri oyun haqda danışıb. Futbolxeber.az-ın məlumatına görə, təcrübəli müdafiəçi mundiala yollanmaq üçün millimizə qalib gəlməli doluqlarını qeyd edib: "Azərbaycan yaxşı komandadır. Onları qiymətləndirməyə bilmərik. Heyətdə bəzi itkilərimiz var. Ancaq bu, bizə bəraət qazandırmamalıdır. Dünya çempionatının final mərhələsinə getmək istəyiriksə, qarşıdakı hər iki oyunda qələbə qazanmalıyıq. Gözəl oyunla azarkeşlərimizi sevindirmək istəyirik. Bunu bacaracağımıza inanıram".

Qeyd edək ki, Ben Haim artıq 11 ildir ki, millinin şərəfini qoruyur. Bir müddət əvvəl Belçikanın "Standart" klubuna trasnfer olunan 31 yaşlı müdafiəçi yığmada meydana 72 oyunda 1 qol vurub.