Beyl dünyanın ən bahalı futbolçusu oldu

Uzun sürən danışıqlardan sonra nəhayət ki, "Real" "Tottenhem"in üzvü Qaret Beyli transfer edib. Futbolxeber.az-ın məlumatına görə, uelsli futbolçu "Kral klubu" ilə 6 illik müqavilə imzalayıb. Keçid "Real"a 100 milyon avroya başa gəlib. Bununla da uelsli futbolçu dünyanın ən bahalı oyunçusu olub. Ona qədər rekord Kriştianu Ronaldoya (94 milyon) məxsus idi. Maraqlıdır ki, dünya futbol tarixinin ən bahalı 5 transferini məhz "Real" həyata keçirib. Beyl və Ronaldodan başqa madridlilər Zinəddin Zidanı 74,5, Fiqynu 70, Kakanı isə 64,5 milyon avroya transfer etmişdi.