Türkiyə superliqası bu qaydalarla keçiriləcək

Türkiyə Futbol Federasiyası iyunun 12-də bərpası gözlənilən superliqa ilə bağlı qaydaları açıqlayıb.

Futbolxeber.az saytının məlumatına görə, mümkün koronavirus təhlükəsinin qarşısını almaq üçün şərtlər açıqlanıb. Klublardan bu şərtlərə əməl etmək tələb olunub:

* Oyundan əvvəl futbolçuların görüşməsi və ümumi komanda şəkli çəkdirməsi qadağan edilib.

* Qol zamanı texniki zonada qol sevinci də qeyd edilməməlidir.

* Matç zamanı oyunçu və texniki heyət hakimlərdən ən azı 2 mert uzaqda durmalıdır.

* Ehtiyat oyunçular sırasında 2 metrlik məsafə qoyulmalıdır.

* Harda olursa-olsun, topa əlcəksiz toxunulsa, top dezinfeksiya edilməlidir.

* Meydanda və ehtiyat zonada hər kəs üçün ayrıca su butulkası qoyulmalıdır.

* Meydandakı futbolçulardan başqa hər kəs öz butulkasını özü daşımalıdır.

* Meydandan kənarda hamı maska taxmalıdır.

* Matçdan bir gün əvvəl və sonra bütün stadion dezinfeksiya edilməlidir.