La Liqada oyunların başlayacağı tarix açıqlandı

Koronavirus pandemiyasına görə dayandırılan İspaniya La Liqasında mövsümün bərpa tarixi bəlli olub.

Futbolxeber.az saytının məlumatına görə, bu haqda “Leqanes”in baş məşqçisi Xavyer Agirre açıqlama verib. O, oyunların iyunun 20-də başlayacağını bildirib:

"Artıq çempionatın bərpa tarixi bilinir. İyunun 20-də oyunlar başlayacaq və beş həftədən sonra - iyulun 26-da mövsümü yekunlaşdıracağıq. Oyunlar şənbə və bazar günləri, həmçinin, çərşənbə və cümə axşamı günləri keçiriləcək. La Liqadan elə indicə mənə rəsmi məlumat verildi. Çox xoşbəxtəm, sabah toplanışa başlayacağıq".