“Real” və “Yuventus” məğlub oldu

Çempionlar Liqasında 1/8 final mərhələsinin ilk oyunlarına yekun vurulub.

Futbolxeber.az saytının məlumatına görə, son oyun günündə iki görüş keçirilib. Madirdə "Real" "Mançester Siti"ni qəbul edib. Hesabı meydan sahibləri açsa da, qonaqlar geridönüş edərək qələbə qazanmağa müvəffəq olublar.

Digər qarşılaşmada isə "Yuventus" "Lion"un  qonağı olub. Turin klubu səfər matçında minimal hesabla uduzub.

Qeyd edək ki, 1/8 final mərhələnin cavab görüşləri 10-11 və 17-18 martda keçiriləcək.

Çempionlar Liqası

1/8 final, ilk oyunlar

26 fevral

"Real" (İspaniya) - "Mançester Siti" (İngiltərə) 1:2

Qollar: İsko 60 (1:0), Qabriel Jesus 78 (1:1), De Brüyne 82-pen. (1:2)

Qırmızı vərəqə: Serxio Ramos 86 ("Real")

“Lion" (Fransa) - "Yuventus" (İtaliya) 1:0

Qol: Tousart 31