"Ayntraxt"ın müdafiəçisi: "Qrup mərhələsində oynamaq əsas hədəflərimizdən biridir"

Avroliqanın play-off mərhələsində "Qarabağ"ın rəqibi olan "Ayntraxt"ın müdafiəçisi Marko Russ komandasının qarşıdakı 2 oyunu haqda danışıb. Futbolxeber.az-ın məlumatına görə, 27 yaşlı mərkəz müdafiəçisi hədəflərinin Avroliqanın qrup mərhələsi olduğunu qeyd edib: "Bavariya" ötən mövsümün ən yaxşı komandasıdır. Əgər bu gün ən azı bir xal qazansaq, "Herta"ya acı məğlubiyyəti (1:6) az da olsa, unutduracağıq. Ardından Bakıya çətin səfərimiz olacaq. "Qarabağ"la oyuna da ciddi yanaşırıq. Çünki Avroliqanın qrup mərhələsində oynamaq əsas hədəflərimizdən biridir. Bununla belə, Bundesliqada da yolumuza davam etmək istəyirik".

Qeyd edək ki, Russ bu ildən Frankfurt klubunun formasını geyir. O, meydana çıxdığı 10 oyunda 1 qol vurub.