Azərbaycanda oynamaq istəməyən gürcü kimdi?

Gürcüstan millisinin üzvü Vaxtanq Çanturişvili qışda Azərbaycan klublarının birindən təklif alıb.

Futbolxeber.az saytının məlumatına görə, 25 yaşlı vinger bu barədə açıqlamasında deyib. Çanturişvili yekunda Çexiyanın "Zlin" klubunu seçdiyini söyləyib: "Yablonets"in təklifi ciddi idi, ancaq niyə alınmadığını bilmirəm. Yunanıstan, Qazaxıstan və Azərbaycana getmək imkanlarım da oldu. Ancaq bilirəm ki, Çexiya çempionatı yüksək səviyyədədir. Burada oynamaq mənim üçün fürsətdir".

Qeyd edək ki, Çanturişvili Gürcüstan yığmasına 5 oyun keçirib. O, "Zestafoni", "Dinamo" (Tiblisi), "Oleksandriya" və "Spartak" (Trnava) kimi klublarda çıxış edib.