Montella: “İlk hissədə “Bavariya”dan qol buraxmamalıyıq”

“Sevilya”nın baş məşqçisi Vinçentso Montella Çempionlar Liqasının 1/4 final mərhələsinin cavab görüşündə “Bavariya”ya qarşı keçirəcəkləri oyundan danışıb.

Futbolxeber.az-ın UEFA-nın rəsmi saytına istinadən verdiyi məlumata görə, italiyalı mütəxəssis bildirib ki, ilk oyunda evdə 1:2 hesabı ilə uduzmalarına baxmayaraq, komandası vəziyyəti dəyişə bilər:

“Oyun 90 dəqiqə davam edir. Vacib olan odur ki, biz intriqanı bu müddətin sonunadək qoruya bilək. Biz düzgün balansı tapmalıyıq. Erkən qol vurmağımız elə də vacib deyil.

Bilirəm ki, komandam ikinci hissədə rəqib qapısından 2 qol keçirməyə qadirdir. İlk növbədə qapımızı toxunulmaz saxlamalıyıq. Xüsusən də birinci hissədə”.