Yap Stam qovuldu

İngiltərənin “Redinq” klubu baş məşqçisi Yap Stamı postundan uzaqlaşdırıb. Futbolxeber.az xəbər verir ki, bu barədə klubun rəsmi saytı məlumat yayıb. Məlumatda hollandiyalı mütəxəssislə müqaviləyə qarşılıqlı razılıq əsasında xitam verildiyi bildirilir.

 

Qeyd edək ki, Stam “Redinq”i 2016-cı ilin iyun ayından çalışdırırdı. Əvvəllər ölkəsində “Zvolle” və “Ayaks” klublarında köməkçi məşqçi kimi fəaliyyət göstərmiş 45 yaşlı mütəxəssis üçün “Redinq” baş məşqçilik etdiyi ilk komanda idi. Lakin komandanın cari mövsüm Çempionşipdə 38 oyundan sonra 36 xalla 24 kollektiv arasında 20-ci pillədə qərarlaşması klub rəhbərliyini baş məşqçi dəyişikliyinə əl atmaq məcburiyyətində qoyub.