18 Mart 2026, Çərşənbə
25-ci turun hakim təyinatları
"Neftçi" 89 yaşında!
Ayın qolunun müəllifi mükafatlandırıldı
Yuri Vernidubdan qələbə şərhi

Xarici futbol

Belarus yığmasının baş məşqçisi: "Bakıya ən güclü heyətlə gələcəyik"

Şriftin ölçüsü: Şrifti böyüt Şrifti kiçilt
15.02.2018 13:28
"Hazırda Antalyadayam. Burada təlim-məşq toplanışında olan müxtəlif klubların heyətindəki yığmaya namizədləri izləyirəm. Ölkə çempionatında mübarizə aparan 16 komandadan 5-i buradadır".
 
Futbolxeber.az saytının  məlumatına görə, bunu müsahibəsində futbol üzrə Belarus milli komandasının baş məşqçisi İqor Kriuşenko deyib. 54 yaşlı mütəxəssis martın 23-də Bakı Olimpiya Stadionunda Azərbaycan millisi ilə keçirəcəkləri yoldaşlıq görüşü ərəfəsində digər sualları da cavablandırıb...
 
- Milliniz daha çox hansı klubların futbolçularından formalaşıb?
 
- Belarusdan, əsasən, 4 klubdur – BATE, Minsk “Dinamo”su, Soliqorsk “Şaxtyor”u və “Dinamo-Brest”. Bu kollektivlər hazırda ölkə çempionatında ilk “4-lük”də qərarlaşıblar. Yığmanın qalan üzvləri ölkə xaricində çıxış edən legionerlərdir. Onlar da müəyyən saydadır. 
 
- Azərbaycan millisi ilə oyuna hazırlıq planınız necədir?
 
- Martın 12-də Minskdə bir araya gələcəyik. Bir həftləlik hazırlıq prosesindən sonra ayın 20-də Bakıya uçacağıq. Paytaxtınızda iki gün məşq edib, oyuna çıxacağıq.
 
- Yığmanın heyətini nə vaxt açıqlayacaqsınız?
 
- Adətən toplanışa 10 gün qalmış açıqlayırıq. Zədə və ya hansısa xoşagəlməz hal baş verməsə, Bakıya ən güclü heyətlə gələcəyik. Çünki oyun FİFA-nın rəsmi pəncərəsinə təsadüf edir.  
 
- Azərbaycan millisi ilə oyun sizin üçün nə dərəcədə əhəmiyyətlidir?
 
- Azərbaycanla oyun Millətlər Liqasında hazırlıq mərhələsidir. Yığmanız səviyyə baxımından həm bizə, həm də qrupdakı rəqiblərimizə - Lüksemburq, Moldova və San Marinoya yaxındır.
 
- Bu matçın təşkili necə alındı?
 
- Bu, hər iki ölkənin milli assosiasiyaları səviyyəsində həll olunan məsələdir. Tərəflər üçün münasib olduğu üçün razılıq əldə ediblər.
 
- Azərbaycan millisinin səviyyəsini necə qiymətləndirirsiniz?
 
- Qiymətləndirməkdə çətinlik çəkirəm. Çünki hələ yığmanızın oyunlarına baxmamışam. Antalyadan qayıdandan sonra birbaşa bu işlərlə məşğul olacaq və Azərbaycanın da görüşlərini izləyəcəyəm. Bundan sonra nə isə deyə bilərəm.
 
- Bəs Azərbaycan futbolu barədə məlumatlısınız?
 
- O qədər də çox bilgim yoxdur. Bilirəm ki, “Qarabağ” pis komanda deyil, avrokuboklarda yetərincə yaxşı, layiqli səviyyədə çıxış edib. Amma Azərbaycan çempionatı ilə yaxından tanış deyiləm.
 
- Futbolçu olduğunuz dönəmlərdə Azərbaycan komandalarına qarşı oynamısınız?
 
- Bəli, olub. Minsk “Dinamo”sunun əvəzedici heyətində “Neftçi”yə qarşı çıxış etmişəm. Yeniyetmə yaşlarımda Spartakiadalarda da bu cür matçlar olub. Tam olaraq xatırlamıram, xeyli vaxt keçib.
 
- Son illər Belarus futbolunda böhran müşahidə olunmaqdadır. Yığma və klublarınız əvvəlki səviyyədə çıxış etmirlər. Bu, nə ilə bağlıdır?
 
- Buna səbəb əvvəlki ilə müqayisədə istedadlı nəsilin hələ yetişməməsidir. Həmçinin, postsovet ölkələrində uşaq futbolundakı məşqçi böhranı da öz təsirini göstərib. İndi bunun əziyyətini çəkirik. Düşünürəm ki, ən çox bununla əlaqədardır.
 
- Belarus prezidenti Aleksandr Lukaşenko digər növlərlə müqayisədə futbol komandalarınızın çıxışının zəif olduğunu bildirib...
 
- Deyibsə, deməli elədir. Onun nəyisə mühakimə etmək, fikrini söyləmək hüququ var. Bunu müzakirə etmək, ümumiyyətlə, bu suala cavab vermək istəmirəm.

report.az
Xəbəri paylaş






Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  





Xarici futbol

Riçard Almeydanın yeni klubu bilindi

De Bleker “Barselona” - “Nyukasl” oyununda

Günün canlı yayımlanacaq oyunları - TV AFİŞA

Afrika çempionluğu Seneqaldan alınıb Mərakeşə verildi

"Fənərbaxça"dan 4 qollu qələbə

"Real" "Mançester Siti"yə belə qalib gəldi

"Turan Tovuz"un müdafiəçisi Panama millisində

Günün canlı yayımlanacaq matçları - TV AFİŞA

Çox oxunan xəbərlər

  1. “Dinamo” Klublar Komitəsinə müraciət etdi: “Bu, bizim haqqımızdır” (Müsahibə)
  2. AFFA PFL-ə qarşı açıq hücuma keçib - Məqsəd qurumun ləğvidir
  3. "Sabah"ın məşqçisinin qeyri-etik jesti qalmaqala səbəb oldu
  4. “Səbail” kapitanı ilə yollarını ayırır
  5. Berdıyevdən mini master-klass
  6. İsgəndər Cavadov Regional Futbol Federasiyaları İctimai Birliyinin prezidenti seçildi
  7. “Zirə”nin yeni transferi: “Həyati təhlükəm olduğu üçün oradan ayrıldım”
  8. “Neftçi” və “Araz-Naxçıvan”dan böyükhesablı qələbə
  9. “Səbail” Adil Şükürovla yola davam edir
  10. 3x3 basketbol millimiz ilk dəfə FIBA Çempionlar Kubokunda
  11. Futzal millimizdə yeni məşqçi təyinatı
  12. Yüksək Liqada XI turun oyun cədvəli açıqlandı
  13. Futzal üzrə Azərbaycan Kubokunun 1/8 final mərhələsi yekunlaşıb
  14. “Üzərində işləməli olduğumuz nüanslar kifayət qədərdir”
  15. “Neftçi”dən alqışlanası addım: O tribunaya Anatoli Banişevskinin adı verildi

Arxiv

Mart 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31