Messi: "Neymar "Barselona"ya çox şey qazandıracaq"

"Barselona"nın hücumçusu Lionel Messi yeni komanda yoldaşı Neymar haqda danışıb. Futbolxeber.az-ın məlumatına görə, argentinalı futbolçu Neymarın katalonlara böyük fayda verəcəyini bildirib: "Neymarın keçidi "Barselona"ya çox şey qazandıracaq. O, komandaya böyük fayda verəcək. Neymar müdafiəçilərlə mübarizədə fərdi baxımdan çox güclüdür. Onun sayəsində hücum xəttimiz daha da güclənəcək. Ümid edirəm ki, biz Neymarla bir-birimizi əla başa düşəcəyik. İnanmıram ki, onun adaptasiya ilə bağlı hər hansı bir problemi olsun".