Emin Mahmudov “Boavişta”ya lazım olmadı

Azərbaycan millisinin futbolçusu Emin Mahmudov klubsuz qalıb.

Futbolxeber.az saytının məlumatına görə, millimizin 25 yaşlı yarımüdafiəçisi Portuqaliya "Boavişta" klubu ilə yollarını ayırıb.

Bu haqda klubun mətbuat xidməti məlumat yayıb. Bildirilir ki, tərəflər qarşılıqlı razılıq əsasında müqaviləyə xitam veriblər. Bu üzdən də Emin azad agent statusu alıb. Lakin onun karyerasını harada davam etdirəcəyi hələlik məlum deyil.

Xatırladaq ki, Mahmudov Portuqaliya klubunda 2016-cı ildən çıxış edirdi. Lakin yeni mövsümdə məşqçilər korpusu futbolçumuza güvənmədiyindən, onuna dını iştirak ərizəsində belə salmadığından getməyə qərar verib. Emin oyun təcrübəsinin olmaması üzündən millimizin DÇ-2018-in seçmə mərhələsi çərçivəsində Norveç və San Marino ilə oyunlarına da dəvət edilməyib.