“Pley-offa biz adlayacağıq” – “Qəbələ”nin rəqibi

“Qəbələ” ilə cavab matçı ilk görüşdəkindən fərqli olacaq”.

Futbolxeber.az saytının məlumatına görə,  bu sözləri “Panatinaikos”un müdafiəçisi Niklas Hult deyib.

UEFA Avropa Liqasının III təsnifat mərhələsi çərçivəsində sabah “Qəbələ”nin qonağı olacaq Yunanıstan təmsilçisi artıq Bakıya yola düşüb.

Səfər öncəsi yerli mətbuata qısa açıqlama verən Hult mərhələ adlayacaqlarına əmin olduğunu bildirib: “Afinadakı qarşılaşmadan fərqli, budəfəki görüşə daha hazırlıqlı olacağıq. Bakıdakı oyuna tam hazır olduğumuzu artıq göstərmişik. Düşünürəm ki, pley-off mərhələsinə biz adlayacağıq”.

Qeyd edək ki, sabah 8-ci km qəsəbə stadionunda keçiriləcək “Qəbələ” – “Panatinaikos” oyunu saat 21:00-da başlayacaq. Bu komandalar arasında baş tutan ilk qarşılaşmada yunanlar 1:0 hesablı qələbə qazanıblar.