“Trabzonspor” açıqladı: Şeydayev “Jilina”ya havayı verilib, hətta…

“Trabzonspor” Azərbaycan millisinin futbolçusu Ramil Şeydayevin “Jilina”ya keçidini rəsmən açıqlayıb. 

 

Futbolxeber.az-ın məlumatına görə, bu barədə klub saytından informasiya yayılıb. Mənbədə bildirilir ki, 20 yaşlı hücumçunu icarə əsasında 2017-2018-ci il mövsümünün sonuna qədər Slovakiya klubunda çıxış edəcək.

 

Maraqlısı budur ki, bu keçid üçün “Jilina” Super Liqa təmsilçisinə heç bir ödəniş etməyəcək. Hətta bu müddət ərzində Trabzon klubu Şeydayevə aylıq 10 min avro maaş verəcək. Klublar arasındakı anlaşmaya əsasən, Slovakiya təmsilçisi 3 milyon avro müqabilində Şeydayevi birdəfəlik transfer etmək hüququna malikdir. Müqavilədə o da qeyd olunub ki, bu icarə müddətində və 2018-2019-cu il mövsümünün sonuna qədər futbolçu başqa kluba transfer olunarsa, əldə ediləcək pulun 10 faizi “Jilina”ya çatacaq.

 

Qeyd edək ki, Şeydayev ötən ilin yayında “Trabzonspor”la 4 illik müqavilə imzalamışdı.