"Yuve" yeni mövsümdə iştirak edəcəyi hər turnirin favoriti olacaq"

Karlos Tevezin meneceri Kia Curabçian müştərisinin "Yuventus"a keçidini şərh edib. Futbolxeber.az-ın məlumatına görə, İranda anadan olan funksioner Turin klubunun yeni mövsümdə uğurlu çıxış edəcəyinə inandığını bildirib: "Bu, fantastikadır. "Yuventus" möhtəşəm klubdur. Ümid edirəm ki, turinlilər yeni mövsümdə bütün mümkün titulları, hətta Çempionlar Liqasını da qazanacaqlar. Təbii ki, bütün bu uğurlarda da Karlitosun (Tevezi nəzərdə tutur-red.) böyük rolu olacaq. Əminliklə söyləyirəm ki, "Yuve" yeni mövsümdə iştirak edəcəyi hər turnirin favorit olacaq. Tevezə 10 nömrə verildi ki, bu da böyük şərəfdir. O əla oyunçudur və buna layiqdir".