“Kəpəz” “Bakı”nın daha bir yetirməsini heyətinə qatır

“Kəpəz” transfer çalışmalarını davam etdirir. Futbolxeber.az saytının məlumatına görə, Gəncə klubu daha bir futbolçu ilə anlaşıb. Söhbət “Bakı”nın yetirməsi, son mövsümü “Rəvan” və “Xəzər Lənkəran”da keçirən Tural Qürbətovdan gedir. Gənc forvardın tezliklə “Kəpəz”lə rəsmi müqavilə imzalayacağı gözlənilir.

Qeyd edək ki, son mövsümdə “Kəpəz”in Avroliqaya yollanmasında “Bakı”nın 4 yetirməsi - Namiq Ələsgərov, Bəxtiyar Soltanov, Şəhriyar Əliyev və Azad Kərimovun da böyük rolu olub.