Maurinyo: “Bu təkcə mənim yox, klub rəhbərliyinin və azarkeşlərin də seçimidir”

“Çelsi”nin köhnə-yeni baş məşqçisi Joze Maurinyo Con Terri haqda danışıb. Futbolxeber.az-ın məlumatına görə, portuqaliyalı mütəxəssis Terrinin gələcəkdə də “Çelsi”nin kapitan sarğısını daşıyacağını bildirib: “Ötən dəfə mən “Çelsi”yə gələrkən Terri artıq komandanın kapitanı idi. Klub rəhbərliyinn seçimi əsassız deyildi. Çünki Terri bütün ömrünü burada keçirib. Terri həmçinin liderlik keyfiyyətinə malik bir futbolçudur. Bəziləri deyir ki, Terri “mənim kapitanımdır”, amma bu, düzgün yanaşma deyil. Bu təkcə mənim yox, klub rəhbərliyinin və azarkeşlərin də seçimidir. Terri hazırda komandanın kapitanıdır, bu məni qane edir və gələcəkdə də o kapitan olaraq qalacaq. Təbii ki, heyətə düşəcəyi halda. O meydana çıxmayanda başqa futbolçu sarğını daşıyacaq ki, həmin futbolçunun da kimliyini hələ müəyyənləşdirməmişəm”.