Buffon: “ÇL-i qazanmaq üçün daha 2 şansım var”

“Yuventus”un qapıçısı Canluici Buffon gələcək planları haqda danışıb. Futbolxeber.az saytının məlumatına görə, italiyalı qolkiper Çempionlar Liqasını qazanmaq üçün daha 2 şansının olduğunu bildirib: “Fərdi mükafatlar qazanmaq üçün vaxtım artıq geridə qalıb. Hazırda ancaq klubum və ölkəm üçün vacib olan kuboklar qazanmaq arzusundayam. Çempionlar Liqasını qazanmaq uğrunda mübarizəm davam edir. Qarşıda bu turnirin qalibi olmaq üçün 2 şansım var. Bəlkə də şansım çox deyil, lakin elə etməliyəm ki, sonradan təəssüflənməyim. Gələcəkdə özümü məşqçidən çox, idarəçi kimi görürəm. Artıq 20 ildir futboldayam və hesab edirəm ki, məhz bu iş mənə daha uyğun gəlir”.

Xatırladaq ki, 38 yaşlı Buffon dünya çempionu olsa da, heç vaxt Çempionlar Liqasını qazana bilməyib.