Konte: “İtaliya Avropanın hücumda ən təhlükəli komandasıdır”

İtaliya millisinin baş məşqçisi Antonio Konte maraqlı açıqlaması ilə diqqət çəkib. Futbolxeber.az saytının məlumatına görə, o, statistik göstəriciləri əsas gətirərək komandasının Avropada hücum xəttində ən güclü yığma olduğunu qeyd edib: “Biz rəqibi intensivliyimiz sayəsində sıradan çıxarmağa çalışırıq. Nəticə belədir: bizim 56 təhlükəli hücumumuz olur. Məsələn, almanlarda bu göstərici 60-a, ispanlarda 54-ə, Belçika yığmasında isə 52-yə bərabərdir. Planımızın həyata keçməsi üçün futbolçularım ani pressinq tətbiq etməli və top itkisinə yol verdikdən sonra yenidən onu qazanmaq üçün dayanmadan çalışmalıdırlar. Aşağı yaş qrupları üzrə millilərimiz də eyni sistemdə çalışırlar. Belədə gənc futbolçuların gələcəkdə əsas milliyə adaptasiyası da asan olur”.