Xərçəngdən qurtuldu, futbola qayıtdı

Bolqarıstan milli komandasının sabiq üzvü Stiliyan Alyoşev Petrov uzun müddətdən sonra karyerasını bərpa etmək qərarına gəlib. Futbolxeber.az saytının “Qafqazinfo”ya istinadən verdiyi məlumata görə, 2013-cü ildə qan xərçənginə tutulan və bu səbəbdən karyerasını bitirən futbolçu yeni mövsümdən etibarən böyük futbola qayıtmaq niyyətindədir. Bu barədə açıqlama verən məşhur müdafiəçi həyəcanlı olduğunu və yenidən sabiq komandası “Aston Villa”ya qayıtmaq istədiyini bildirib.

Qeyd edək ki, Petrovun son klubu məhz “Aston Villa” olub. O, səhhətinin kəskin pisləşməsi səbəbindən Birmingem təmsilçisindən ayrılmışdı.