“Dinamo”nun 15-ci çempionluğu

Ukrayna çempionatının 23-cü turunda Kiyev “Dinamo”su “Vorskla”nı 1:0 hesabı ilə məğlub edib. Futbolxeber.az saytının məlumatına görə, bununla da “Dinamo” çempionluğu vaxtından əvvəl təmin edib. Sona 3 tur qalmış Kiyev klubu “Şaxtyor”u 7 xal qabaqlayır. Lakin nəzərə almaq lazımdır ki, “Dinamo” Zaporojye “Metallurq”u ilə matçda texniki qələbə sayəsində daha 3 xal qazanacaq. Bununla da paytaxt klubu tarixi ərzində 15-ci dəfə ölkə çempionu olub. “Dinamo” 1993-2001, 2003, 2004, 2007, 2009 və 2015-ci illərdə də qızıl medallara sahib çıxıb.