“Barselona”nın prezidenti: “Hakimi tənqid etmək düzgün deyil”

“Barselona”nın prezidenti Jozep Bartomeu komandasının Çempionlar Liqası ilə vidalaşmasına münasibət bildirib. Futbolxeber.az saytının məlumatına görə, o, “Atletiko”nun əla mübarizə apardığını vurğulayıb: “Əvvəlcə “Atletiko”nu qələbə münasibəti ilə təbrik edirəm. Rəqib hər iki oyunda çox gözəl təsir bağışladı. Biz Çempionlar Liqasının finalına yüksəlməyi xəyal edirdi. Lakin bu, baş vermədi. Hazırda bütün diqqətimizi ölkə çempionatına yönəltməliyik. Üstəlik, mayda kubokun finalı var. Təyin edilməyən penalti epizodu barədə nə deyə bilərəm ki? Hakim həmin epizodu görmədi. Bəxtimiz gətirmədi. Buna görə də hakimi tənqid etmək düzgün deyil”.