“Ya Avropa çempionatına əsas heyət oyunçusu kimi yollanıram, ya da...”

“Liverpul”un müdafiəçisi Deyan Lovrenlə Xorvatiya millisinin baş məşqçisi Ante Çaçiç arasında qalmaqal davam edir. Futbolxeber.az saytının məlumatına görə, 26 yaşlı futbolçu yığmanın baş məşqçisi qarşısında konkret şərt qoyub: “Mən Çaçiçdən üzr istəmək fikrində deyiləm. Ya Avropa çempionatına əsas heyət oyunçusu kimi yollanıram, ya da ümumiyyətlə, turnirə yollanmıram. Qəzetlər həqiqət olmayan məlumatlar yazanda dəli oluram. Son oyunda fiziki hazırlıq üzrə məşqçimiz mənə dedi ki, “15 dəqiqə isinmə hərəkətlərini yerinə yetir, sonra meydana çıxacaqsan”. Lakin 20 dəqiqə keçsə də, məni meydana buraxmadılar. Buna görə də gəlib yerimdə oturdum. Baş məşqçi isə bunu faciəyə çevirdi. Bu, bütün dünyada belədi. Oyundan 2 saat öncə Srna özünü pis hiss etdiyini və meydana çıxa bilməyəcəyini dedi. Lakin baş məşqçi ikinci hissədə onu meydana buraxdı. Avropa çempionatı öncəsi biz Çorluka ilə birgə meydana çıxmamışıq”.