“Marca”: Dünyanın ən bahalı futbolçusu Beyl yox, Ronaldodu!

Hazırda dünyanın ən bahalı futboçusu Qaret Beyl yox, Kriştianu Ronaldodu. Futbolxeber.az-ın məlumatına görə, belə bir iddia ilə Marca” çıxış edib. Ispan həmkarlarımızın yazdığına görə, bir müddət əvvəl Qaret Beylin “Real”a keçidinin bəzi detalları məlum olub. Sözləşməyə əsasən, “Kral klubu” uelsli  futbolçu üçün “Tottenhem”ə 100 milyon avro (99 743 542) ödəyir ki, həmin məbləğ hissələrə ayrılıb. Sonuncu hissə qarşıdakı günlərdə “Tottenhem” in hesabına keçəcək.

Rəsmi olaraq “Real” Kriştianu Ronaldoya görə “Real”a 97 milyon avro ödəyib və bu məbləğ 3 hissəyə bölünüb. Lakin keçidi rəsmiləşdirmək üçün Madrid təmsilçisi kredit götürüb. Bu isə o deməkdir ki, faizlərlə birgə Ronaldonun keçidi üçün “Real” 104,7 milyon avro xərcləyib. Məhz bu məqamı nəzərə alan “Marca”, ən bahalı transfer kimi Beylin yox, Ronaldonun keçidini göstərir.