“Real” Neymarla danışıqlara başladı

“Real” “Barselona”nın və Braziliya millisinin hücumçusu Neymarla danışıqlara başlayıb. Futbolxeber.az-ın məlumatına görə, Neymar və onun atası “Real” rəsmiləri ilə görüşüblər. “Onda Cero”nun yaydığı məlumata görə, görüş Sürixdə, “Qızıl top-2015”in təqdimetməsindən öncə baş tutub. Qeyd olunur ki, “Real” braziliyalı futbolçuya “Barselona”da qazandığından daha çox əməkhaqqı təklif edib.

Qeyd edək ki, “Barselona” Neymarla yeni müqavilə imzalamaq istəsə də, hələ ki tərəflər ortaq məxrəcə gələ bilməyiblər.