“Trabzonspor”ın yeni baş məşqçisi müəyyənləşdi

Şota Arveladzenin gedişindən sonra müvəqqəti  olaraq Sadi Tekelioğluna tapşırılan “Trabzonspor”un yeni baş məşqçisi müəyyənləşib. Futbolxeber.az-ın məlumatına görə, klub rəhbərliyi baş məşqçi postuna Hami Mandıralını gətirir. Bu gün Istanbuldan Trabzona yollanacaq veteran hücumçunun sabah rəsmi müqaviləyə imza atacağı gözlənilir.

Qeyd edək ki, 219 qolla “Trabzonspor” tarixinin ən yaxşı bombardiri olan Mandıralı bir dəfə müvəqqəti olaraq komandanı çalışdırıb. Həmin vaxt komandanı 14 oyuna çıxaran Mandıralı bunların 6-da qalib gəlib, 6-da heç-heçə edib və 2 dəfə məğlubiyyət acısı yaşayıb.