Rusiya millisinin baş məşqçisindən etiraz: “Buna yalnız bizdə fikir verirlər”

Rusiyanın U-17 millisinin baş məşqçisi Mixail Qalaktionov Qranatkin turnirinin ilk turunda Qazaxıstanı 5:0 hesabı ilə məğlub etdikləri oyundan danışıb. Futbolxeber.az-ın məlumatına görə, gənc məşqçi qarşılaşma haqda deyib: “Təəssüratlarım ikilidi. Bir tərəfdən nəticədən razıyam. Amma digər tərəfdən də topu özümüzdə daha çox saxlamaq istəsək də, bu, alınmadı. 3 xal qazanmağımız yaxşı oldu. Bayramlarda futbolçuları evə buraxmışdıq. Komanda oyundan öncə yalnız 1 məşq keçmişdi”.

“Siz çox gəncsiniz, bu məqam işinizə mane olmur” sualını rusların çalışdırıcısı belə cavablandırıb: “Yalnız Rusiyada buna fikir verirlər. Xorvatiya millisinin məşqçisi məndən də cavan idi. O, Avropa çempionatında komandasını yarımfinala daşıdı. Bütün Xorvatiya onunla fəxr edir. Əsas olan görülən işdi”.