"Ronaldonu heç 1 milyarda da satmaram"

"Real"ın prezidenti Florentino Peres Kriştianu Ronaldonun komandadakı gələcəyi haqda danışıb. Futbolxeber.az-ın məlumatına görə, Peres növbəti dəfə portuqaliyalı ulduzun komandanı tərk etməyəcəyini bildirib: "Kriştianu Ronaldo ilə yeni müqavilə imzalamaq üçün əlimdən gələni edirəm. Hazırda onunla daha 2 illik sözləşməmiz var. Ronaldo dünyadakı ən yaxşı futbolçudur. Onun komandada qalmasını, gələcəkdə "Real"ı zirvələrə daşımasını istərdik. Çünki Ronaldo "Real"ımn rəmzi və lideridi. Açıq şəkildə bəyan edirəm: Ronaldonu heç bir milyard dollara da satmaram. İstərdim ki, Ronaldo karyerasının sonuna kimi məhz Madriddə qalsın. Bu, əla olardı. Ronaldoda qalib ruhu var. O hər zaman qələbə qazanmağı, eləcə də yenidən "Qızıl top"u qazanmaq istəyir. Bir müddət əvvəl Ronaldo məyus olarkən, onunla danışdıq və bildirdim ki, yenidən "Real"da xoşbəxt olması üçün nə lazımdırsa, edəcəyəm".