“Ayntraxt”ın baş məşqçisi: “Emil Balayev qışa qədər oynamayacaq”

Almaniyanın “Ayntraxt” klubunun üzvü Emil Balayev qışa qədər yaşıl meydanlardan uzaq qalacaq. Futbolxeber.az-ın məlumatına görə, bu barədə Frankfurt təmsilçisinin baş məşqçisi Armin Fe açıqlama verib.

Onun sözlərinə görə, Balayev bu aylarda heç bir oyuna çıxa bilməyəcək: “Emil indiki məqamda alternativ qapıçı sayılmır. Çünki qışa qədər hər hansı bir oyunda iştirak etməsi mümkün deyil”.

Komandada 3-cü qapıçı funksiyasını yerinə yetirən Emilin məşqlərdən kənarda qalmasının səbəbi stomatoloji əməliyyat keçirməsi ilə bağlıdı.

Bu səbəbdən məşqçilər korpusu onun indiki məqamda komandanın əsas qapıçısı olmağa iddia etməsini imkansız sayırlar. Emil tam sağaldıqdan sonra sıraya dönəcək ki, bunun üçün ən azı, dekabrı gözləmək lazım olacaq.

Qeyd edək ki, “Neftçi”nin yetirməsi olan Emil bu ilin əvvəlindən “Ayntraxt”ın futbolçusudu.

Mənbə: apasport.az