“Hafiz Məmmədov bildirdi ki, oktyabrın əvvəlindən onun maliyyə durumu yaxşılaşır”

Fransanın Nor-pas-de Kale vilayətinin başçısı Daniel Perçeron bildirib ki, bu həftənin əvvəlində Bakıda azərbaycanlı biznesmen, “Bakı” və “Lans” klublarının sahibi Hafiz Məmmədovla görüşüb. Futbolxeber.az-ın məlumatına görə, “France Bleu Nord”a müsahibəsində Perçeron bildirib ki, görüşdə Fransanın Azərbaycandakı səfiri Paskal Monye və “Lans”ın keçmiş baş meneceri Ksavye Tuilot da iştirak edib.

Görüş zamanı Hafiz Məmmədov bildirib ki, oktyabrın əvvəlindən onun maliyyə durumu yaxşılaşır və o, “Lans” qarşılığındakı öhdəliklərini yerinə yetirəcək. Azərbaycanlı biznesmen fransız qubernatorla görüşündə etiraf edib ki, il ərzində maddi baxımdan ciddi problemlər yaşayıb. Lakin çətinliklər artıq yoluna qoyulur. Hafiz Məmmədov yenidən “Lans”a maliyyə yardımı edəcəyini, komandanın yenidən yüksək liqaya qayıtması üçün bütün gücünü sərf edəcəyini vurğulayıb (xəbər ixtisarlarla “haqqin.az” saytından tərcümə edilib)