“Qriqorçuk yaxşı məşqçidir, hətta yaşı 30-dan yuxarı olan futbolçuları da inkişaf etdirir”

“Volın” klubunun yarımmüdafiəçisi Sergey Politılo Ukrayna mətbuatına müsahibə verib. Futbolxeber.az-ın məlumatına görə, 26 yaşlı futbolçu müsahibəsində hazırda “Qəbələ”ni çalışdıran, vaxtı ilə “Çernomorets”də rəhbərliyi altında çıxış etdiyi Roman Qriqorçukdan da söz açıb: “Mən Qriqorçukun rəhbərliyi altında pis oynamırdım. Roman İosifoviç həqiqətən də yaxşı məşqçidir. O, hətta yaşı 30-dan yuxarı olan futbolçuları da inkişaf etdirir. Məsələn, Sergey Qay. Yaxud sabiq “Çernomorets”li Paşa Kutas. Yəqin insanlar düşünürlər ki, Ukrayna Premyer Liqasında çıxış edən təcrübəli futbolçular daha heç nə öyrənməməlidirlər, onlar hər şeyi bilirlər. Lakin belə deyil. Qriqorçukun iş sistemi tam fərqlidir. O hər şeyə başa düşəcəyin tərzdə izah edir. Sən nəzəriyyədə 40 dəqiqə, hətta 1 saat da otura bilərsən. Amma oyunda 100 faiz bunun faydasını görəcəksən. Hara qaçmalı olduğunu, hansı tərəf ötürmə verməli olduğunu daha yaxşı dərk edirsən. Bir sözlə, Qriqorçuk hər xırda detalı belə ətraflı şəkildə futbolçularına izah edir”.