“Dinamo”nun futbolçusu “Arsenal”la oyundan sonra dopinq-testdən keçə bilmədi

Çempionlar Liqasının qrup mərhələsinin ilk turu çərçivəsində keçirilən “Dinamo” (Zaqreb) - “Arsenal” (2:1) matçından sonra meydan sahiblərinin üzvü Ariyan Ademi dopinq-testdən keçə bilməyib. Futbolxeber.az-ın məlumatına görə, 24 yaşlı futbolçudan götürülən “A” nümunəsinin cavabı müsbət olub. Əgər, “B” nümunəsində də eyni cavab olarsa, bu halda “Dinamo”nun futbolçusu cəzalanacaq.  

Qeyd edək ki, Ademinin dopinqdən istifadə etdiyi təsdiqin tapsa belə, bu, oyunun nəticəsinə təsir göstərməyəcək. Çünki qarşılaşmanın nəticəsinin ləğv olunması üçün bir komandanın heyətində ən azı 2 futbolçunun dopinqdən istifadə etməsi təsdiqlənməlidi.