Belçika millisinin kapitanı klubunu tərk edəcəyini təkzib etdi

"Mançester Siti"nin müdafiəçisi Vensan Kompani başqa kluba keçəcəyi haqda yayılan şaiyələri şərh edib. Futbolxeber.az-ın məlumatına görə, belçikalı müdafiəçi hazırki durumundan razı olduğunu, heç yana getmədiyini bildirib: "Hazırda mənim komandanı tərk edəcəyim haqda çox söz-söhbətlər gəzir. Amma bütün bunlar şaiyədir. Çünki mən heç yana getmirəm. "Mançester Siti"də özümü əla hiss edirəm və gələcəkdə də məhz burada oynamağı arzulayıram. Həmçinin bu komandadan hələ başa çatmayan işlərim var. Qarşıda bizi yeni mövsüm gözləyir. Son mövsümdəki uğursuzluqları unutdurmalıyıq".

Xatırladaq ki, bir müddət əvvəl Belçika millisinin kapitanı ilə "Monako" və "Barselona"nın yaxından maraqlandığı bildirilirdi.