Klopp: “İstirahətə ehtiyacım var”

Dortmund “Borussya”sından ayrılan Yurgen Klopp qarşıdakı mövsümdə işləmək niyyətində deyil. Futbolxeber.az-ın məlumatına görə, bu haqda 47 yaşlı mütəxəssis özü açıqlama verib: “7 illik intensiv və emosional fəaliyyətdən sonra istirahətə ehtiyacım var. Enerjimi bərpa etdikdən sonra yeni klubda çalışmaq olar. İndi isə mütləq fasilə götürməliyəm”.

Xatırladaq ki, Klopp “Borussiya”nı 7 il ərzində çalışdırıb. Bu müddətdə onun rəhbərliyi altında Dortmund klubu 2 dəfə (2010/11 və 2011/12) Bundesliqanın qalibi olub.