Blatter: “Platini mənə əvvəl viski təklif etdi, sonra istefa verməyimi istədi”

Yenidən FİFA prezidenti seçilən Yozef Blatter UEFA rəhbəri Mişel Platini ilə münasibətlərindən danışıb. Futbolxeber.az-ın məlumatına görə, Blatter qeyd edib ki, Platini ondan istefa verməsini istəyib: “Platini əvvəlcə mənimlə təkbətək görüşmək istədi. Sonra mənə viski təklif etdi. Sanki biz dostuq. Mən bundan imtina etdikdən sonra isə o, bildirdi ki, mən çıxışımın sonunda istefa verməliyəm. Son günlər baş verənlər məni çox məyus etdi. Bilirəm ki, Platini seçkidən öncəki gecə hamıdan mənim əleyhimə səs vermələrini istəyib”.