“Boka Xuniors” Libertadores kubokundan uzaqlaşdırıldı

Cənubi Amerika futbol Konfederasiyası (KONMEBOL) “Boka Xuniors”u cəzalandırıb. Futbolxeber.az-ın məlumatına görə, qəbul olunmuş qərara əsasən, Argentina təmsilçisi Libertadores kubokundan uzaqlaşdırılıb. 1/8 final mərhələsinin cavab oyununda “River Pleyt”ə qarşı baş tutan matçda yaşanan insident buna səbəb olub.

Xatırladaq ki, ilk yarısı qolsuz tamamlanan matçda azarkeşlər stadionda gözyaşardıcı qazdan istifadə ediblər. Nəticədə matç yarımçıq dayandırılıb. İlk oyun isə “River Pleyt”in 1:0 hesablı qələbəsi ilə tamamlanıb.

KONMEBOL-un qəbul etdiyi qərar əsasən, “Boka Xuniors” növbəti 4 beynəlxalq oyununu azarkeşsiz keçirəcək. Komandanın fanatları “Boka Xuniors”un növbəti 5 səfər görüşünə buraxılmayacaqlar. Üstəlik, “Boka Xuniors” 200 min dollar həcmində cərimələnib.

Bununla da, “River Pleyt” Lidertadores kubokunun 1/4 finalında “Kruzeyro” ilə qarşılaşacaq.