“Yuventus” çempionluğu bizim meydanda qeyd edə bilməz”

“Sampdoriya”nın baş məşqçisi Sinişa Mihayloviç “A” seriyasının 34-cü turu çərçivəsində “Yuventus”a qarşı keçirəcəkləri oyun haqda danışıb. Futbolxeber.az-ın məlumatına görə, serb mütəxəssis rəqibin çempionluğu onların meydanında qeyd etməsinə imkan verməyəcəklərini bildirib: “Yuventus” skudettoya layiqdir. Lakin onlar çempionluğu Turində qeyd edə bilərlər, bizim meydanda yox. Bu gün onlara 1, bizə isə 3 xal lazımdır.  Mövsümün sürprizi “Yuventus” yox, “Sampdoriya”dır. Son 5 tur qalmış beşinci pillədə qərarlaşmışıq və bundan zövq alırıq”.