Berluskoni təsdiqlədi: “Bu addım “Milan”ın zirvəyə qayıtması üçün atılır”

Silvio Berluskoni “Milan”ın səhmlərinin asiyalı biznemen Bi Tayçaubola satıldığını təsdiqləyib. Futbolxeber.az-ın məlumatına görə, Berluskoni həmçinin vurğulayıb ki, səhmlərin 51 faizi onda qala bilər: “Cənab Bi çox ciddi və etibarlı adamdır. Biz onunla dostlaşmışıq və ümid edirik ki, birgə istədiyimiz uğurlu işləri həyata keçirəcəyik. Öz köməyini təklif etdiyi üçün ona minnətdaram. “Milan” dünyanın ən böyük futbol brendlərindən biridir. Bu əməkdaşlıq sayəsində biz marketinq sahəmizi Uzaq Şərqdə də inkişaf etdirəcəyik. “Milan” layiq olduğu yerdə - İtaliya, Avropa və dünya futbolunun zirvəsində olmalıdır. Bu addım da komandanın yenidən zirvəyə qayıtması üçün atılır”.