“Riberi Fransa millisinə qayıtmaq fikrində deyil”

Frank Riberinin meneceri Jan-Pyer Bernes müştərisinin yenidən Fransa millisinin formasını geyəcəyi haqda yayılan xəbərlərə münasibət bildirib. Futbolxeber.az-ın məlumatına görə, Bernes yayılan xəbərləri təkzib edib: “Riberi Fransa millisi haqda qərarını daha əvvəl qəbul edib. Onun yenidən yığmaya qayıtmaq fikri yoxdu. Fransada Riberiyə qarşı münasibət hər zaman yaxşı olmayıb. Tənqid ola bilər, bu normaldı. Amma insanı işinə görə tənqid etmək lazımdı. Frank emosional insandır. Münhendə onu olduğu kimi qəbul edirlər. Riberi karyerasını elə Almaniyada başa vuracaq. Bəlkə gələcəkdə elə orada da yaşayacaq”.