Dani Alveş “Barselona” ilə yeni müqavilə haqda razılığa gəldi

Dani Alveş “Barselona”dan ayrılmayacaq. Futbolxeber.az-ın məlumatına görə, braziliyalı müdafiəçi Kataloniya klubu ilə yeni müqavilə haqda razılığa gəlib. Mövsümün sonunda tərəflər arasında yeni sözləşmə imzalandığı haqda ictimaiyyətə rəsmən məlumat veriləcək.

İspaniya mətbuatı yazır ki, Dani Alveş ailəsinə görə “Barselona”da  qalmaq qərarına gəlib. Onun oğlanları bu şəhəri tərk etmək istəməyiblər.

Qeyd edək ki, Alveşin “Barselona” ilə hazırki müqaviləsi bu ilin iyununda başa çatır. Futbolçunun mövsümün sonunda PSJ-yə keçəcəyi deyilirdi.