“Qalatasaray”ın yeni çalışdırıcısı olacağı deyilən məşqçi danışdı: “Başqa namizədlər də var”

Türkiyə millisinin məşqçisi Hamza Hamzaoğlu “Qalatasaray”ı çalışdıracağı haqda yayılan xəbələrə münasibət bildirib. Futbolxeber.az-ın Türkiyə mətbuatına istinadən verdiyi məlumata görə, 44 yaşlı mütəxəssis təyinatının hələ rəsmiləşmədiyini bildirib: “Qalatasaray” rəhbərliyi ilə görüşümüz olub. Amma ortada hələ ki rəsmi heç nə yoxdu. Zəng vurdular, danışdıq. Əminəm ki, “Qalatasaray”ın başqa namizədləri də var. Mənim hazırda çalışdığım bir qurum var. “Qalatasaray”ı çalışdırmağım üçün onların da razılığı olmalıdır. Bütün bunlar baş verərsə, “Qalatasaray”a “yox” deyə bilmərəm”.