Daha 4 klub Çempionlar Liqasında 1/8 finala yüksəldi

Bu gün baş tutan oyunlardan sonra Çempionlar Liqasında 1/8 final mərhələsinin daha 4 iştirakçısı müəyyənləşib. Futbolxeber.az-ın məlumatına görə, “Bavariya”, PSJ, “Barselona” və “Portu” son iki turun nəticəsindən asılı olmayaraq növbəti mərhələyə adlayıblar.

“Bavariya” 12 xalla E qrupunda birinciliyi təmin edib. F qrupunda yer alan PSJ-nin 10, “Barselona”nın isə 9 xal var. “Portu” isə 10 xalla H qrupunun lideridir.

Qeyd edək ki, bu 4 komandaya qədər “Real” və “Borussiya” da 1/8 finala vəsiqəni təmin ediblər.